ਪੰਜਾਬ ਸਰਕਾਰ ਨੇ SC ਦੀ 35 ਜਾਤਾਂ ਦੀ ਸੂਚੀ ਜਾਰੀ ਕੀਤੀ। ਇਸ ਵਿੱਚ ਦੂਜੇ ਨੰਬਰ ‘ਤੇ ਬਾਲਮੀਕੀ, ਚੂੜਾ, ਭੰਗੀ ਸ਼ਬਦ ਵਰਤੇ ਗਏ ਹਨ। ਇਨ੍ਹਾਂ ਨੂੰ “ਗੈਰ-ਸੰਵਿਧਾਨਕ” ਅਤੇ “ਅਪਮਾਨਜਨਕ” ਦੱਸਿਆ ਜਾ ਰਿਹਾ ਹੈ।
ਕਿਰਨਜੀਤ ਸਿੰਘ ਗਹਿਰੀ, ਚੇਅਰਮੈਨ – ਨੈਸ਼ਨਲ ਦਲਿਤ ਮਹਾਪੰਚਾਇਤ ਪੰਜਾਬ ਅਤੇ ਕਾਮਗਾਰ ਕਰਮਚਾਰੀ ਕਾਂਗਰਸ (KKC) ਪੰਜਾਬ ਪ੍ਰਦੇਸ਼ ਨੇ ਇਹ ਮੁੱਦਾ ਚੁੱਕਿਆ।
– ਇਨ੍ਹਾਂ ਸ਼ਬਦਾਂ ਨੂੰ ਸੂਚੀ ‘ਚੋਂ ਤੁਰੰਤ ਹਟਾਇਆ ਜਾਵੇ।
– SC Act ਤਹਿਤ ਇਨ੍ਹਾਂ ਸ਼ਬਦਾਂ ਨੂੰ ਵਰਤਣ ਵਾਲਿਆਂ ਖਿਲਾਫ ਸਖ਼ਤ ਕਾਰਵਾਈ ਹੋਵੇ।
– ਕੌਮੀ SC ਕਮਿਸ਼ਨ ਅਤੇ ਪੰਜਾਬ SC ਕਮਿਸ਼ਨ ਚੁੱਪ ਹਨ, ਉਹ ਸੁ-ਮੋਟੋ ਨੋਟਿਸ ਲੈਣ।
ਉਹ ਕਹਿੰਦੇ ਹਨ ਕਿ ਸਰਕਾਰ ਲੋਕਾਂ ਨੂੰ “ਚੁਟਕਲੇ ਸੁਣਾ ਕੇ ਗੁੰਮਰਾਹ” ਕਰ ਰਹੀ ਹੈ। 40% ਦਲਿਤ ਭਾਈਚਾਰੇ ਨੂੰ ਇਨ੍ਹਾਂ ਸ਼ਬਦਾਂ ਨਾਲ ਅਪਮਾਨਤ ਕੀਤਾ ਜਾ ਰਿਹਾ ਹੈ। ਜੇਕਰ ਮੰਗ ਨਾ ਮੰਨੀ ਤਾਂ ਦਲਿਤ ਜਥੇਬੰਦੀਆਂ ਨੂੰ ਇਕੱਠਾ ਕਰਕੇ ਡਿਪਟੀ ਕਮਿਸ਼ਨਰ ਰਾਹੀਂ PM ਅਤੇ ਰਾਜਪਾਲ ਨੂੰ ਮੰਗ ਪੱਤਰ ਦਿੱਤਾ ਜਾਵੇਗਾ।
ਗਹਿਰੀ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਦਾ SC ਵਿੰਗ, ਅਕਾਲੀ ਦਲ ਤੇ ਭਾਜਪਾ ਦਾ SC ਵਿੰਗ, ਅਤੇ SC ਸਮਾਜ ਦੇ MLA/MP ਇਸ ਮਾਮਲੇ ‘ਤੇ ਚੁੱਪ ਹਨ।
ਨਾਲ ਕੌਣ ਸੀ: ਠਾਣਾ ਸਿੰਘ ਜਨਰਲ ਸਕੱਤਰ ਪੰਜਾਬ, ਗੁਰਜੰਟ ਸਿੰਘ ਜ਼ਿਲ੍ਹਾ ਪ੍ਰਧਾਨ ਬਠਿੰਡਾ, ਸੁਖਦੇਵ ਸਿੰਘ ਬਾਹੀਆ, ਸਨੀ ਬਰਾੜ, ਜਗਰਾਜ ਸਿੰਘ ਚੋਹਾਨ ਅਤੇ ਗੁਰਵਿੰਦਰ ਚਹਿਲ।
