“ਦਿਓਣ ਪਿੰਡ ਦੇ ਕਿਸਾਨ ਨੇ ਪੁੱਤਾਂ ਵਾਂਗ ਪਾਲੀ 7 ਕਿਲਿਆਂ ਦੀ ਝੋਨੇ ਦੀ ਫਸਲ ਤੇ, ਆਖ਼ਰ ਫੇਰ ਦਿੱਤਾ ਹਲ!”
ਅੱਜ ਅਸੀਂ ਤੁਹਾਨੂੰ ਬਠਿੰਡਾ ਜ਼ਿਲ੍ਹੇ ਦੇ ਪਿੰਡ ਦਿਓਣ ਤੋਂ ਇੱਕ ਅਜਿਹੀ ਦਰਦਨਾਕ ਤਸਵੀਰ ਦਿਖਾਉਣ ਜਾ ਰਹੇ ਹਾਂ, ਜਿਸ ਨੂੰ ਦੇਖ ਕੇ ਹਰ ਕਿਸੇ ਦਾ ਦਿਲ ਪਿਘਲ ਜਾਵੇਗਾ।
ਇੱਕ ਕਿਸਾਨ, ਜਿਸ ਨੇ ਆਪਣੇ 7 ਕਿਲਿਆਂ ਵਿੱਚ ਲੱਗੀ ਝੋਨੇ ਦੀ ਫਸਲ ਨੂੰ ਪੁੱਤਾਂ ਵਾਂਗ ਪਾਲਿਆ, ਦਿਨ-ਰਾਤ ਮਿਹਨਤ ਕੀਤੀ, ਪਾਣੀ ਅਤੇ ਖਾਦ ਦਾ ਪ੍ਰਬੰਧ ਕੀਤਾ, ਚੰਗੀ ਪੈਦਾਵਾਰ ਦੇ ਸੁਪਨੇ ਸਜਾਏ। ਪਰ ਅੱਜ ਉਹੀ ਕਿਸਾਨ ਆਪਣੀ ਖੜ੍ਹੀ ਫਸਲ ‘ਤੇ ਹਲ ਫੇਰਨ ਲਈ ਮਜਬੂਰ ਹੋ ਗਿਆ।
ਕਿਸਾਨ ਦਾ ਕਹਿਣਾ ਹੈ ਕਿ ਨਾ ਤਾਂ ਨਹਿਰੀ ਪਾਣੀ ਸਮੇਂ ਸਿਰ ਪਹੁੰਚਿਆ ਅਤੇ ਨਾ ਹੀ ਲੋੜ ਮੁਤਾਬਕ ਬਿਜਲੀ ਮਿਲੀ। ਵਾਰ-ਵਾਰ ਅਧਿਕਾਰੀਆਂ ਕੋਲ ਗੁਹਾਰ ਲਗਾਈ ਗਈ, ਪਰ ਕੋਈ ਹੱਲ ਨਹੀਂ ਨਿਕਲਿਆ।
ਝੋਨੇ ਦੀ ਫਸਲ ਨੂੰ ਲਗਾਤਾਰ ਪਾਣੀ ਦੀ ਲੋੜ ਹੁੰਦੀ ਹੈ। ਜਦੋਂ ਪਾਣੀ ਨਾ ਮਿਲੇ ਤਾਂ ਹਰੀ-ਭਰੀ ਫਸਲ ਕੁਝ ਹੀ ਦਿਨਾਂ ਵਿੱਚ ਸੁੱਕਣ ਲੱਗ ਪੈਂਦੀ ਹੈ। ਇਹੀ ਹਾਲ ਇਸ ਕਿਸਾਨ ਦੀ ਫਸਲ ਦਾ ਹੋਇਆ।
ਕਿਸਾਨ ਦਾ ਕਹਿਣਾ ਹੈ ਕਿ ਉਸ ਨੇ ਕਰਜ਼ਾ ਲੈ ਕੇ ਬੀਜ, ਖਾਦ ਅਤੇ ਦਵਾਈਆਂ ਖਰੀਦੀਆਂ ਸਨ। ਹੁਣ ਫਸਲ ਬਰਬਾਦ ਹੋਣ ਕਾਰਨ ਉਸ ਦੇ ਸਾਹਮਣੇ ਪਰਿਵਾਰ ਦਾ ਗੁਜ਼ਾਰਾ ਕਰਨਾ ਵੀ ਮੁਸ਼ਕਲ ਹੋ ਗਿਆ ਹੈ।
ਇਸ ਮੌਕੇ ਕਿਸਾਨ ਨੇ ਪੰਜਾਬ ਸਰਕਾਰ ਅਤੇ ਸਬੰਧਤ ਵਿਭਾਗਾਂ ‘ਤੇ ਸਵਾਲ ਚੁੱਕਦੇ ਹੋਏ ਕਿਹਾ ਕਿ ਜੇਕਰ ਸਮੇਂ ਸਿਰ ਨਹਿਰੀ ਪਾਣੀ ਅਤੇ ਬਿਜਲੀ ਦੀ ਸਪਲਾਈ ਮਿਲ ਜਾਂਦੀ ਤਾਂ ਅੱਜ ਇਹ ਦਿਨ ਨਾ ਦੇਖਣਾ ਪੈਂਦਾ।
ਉਸ ਨੇ ਸਰਕਾਰ ਕੋਲ ਮੰਗ ਕੀਤੀ ਕਿ ਫਸਲ ਦੇ ਹੋਏ ਨੁਕਸਾਨ ਦਾ ਤੁਰੰਤ ਗਿਰਦਾਵਰੀ ਕਰਵਾਈ ਜਾਵੇ ਅਤੇ ਯੋਗ ਮੁਆਵਜ਼ਾ ਦਿੱਤਾ ਜਾਵੇ, ਤਾਂ ਜੋ ਕਿਸਾਨ ਆਰਥਿਕ ਤੌਰ ‘ਤੇ ਸੰਭਲ ਸਕਣ।
ਕਿਸਾਨ ਨੇ ਇਹ ਵੀ ਕਿਹਾ ਕਿ ਜੇਕਰ ਇਹੀ ਹਾਲਾਤ ਰਹੇ ਤਾਂ ਹੋਰ ਵੀ ਕਈ ਕਿਸਾਨ ਆਪਣੀਆਂ ਫਸਲਾਂ ਉਜਾੜਣ ਲਈ ਮਜਬੂਰ ਹੋ ਜਾਣਗੇ। ਖੇਤੀ ਪਹਿਲਾਂ ਹੀ ਘਾਟੇ ਦਾ ਧੰਦਾ ਬਣਦੀ ਜਾ ਰਹੀ ਹੈ ਅਤੇ ਅਜਿਹੀਆਂ ਸਮੱਸਿਆਵਾਂ ਕਿਸਾਨਾਂ ਨੂੰ ਹੋਰ ਵੱਡੇ ਸੰਕਟ ਵੱਲ ਧੱਕ ਰਹੀਆਂ ਹਨ।
ਕਿਸਾਨ ਨਾਲ ਗੱਲਬਾਤ ਤੁਸੀਂ ਲਿੰਕ ਓਪਨ ਕਰਕੇ ਸੁਣ ਸਕਦੇ ਹੋ।
